Saturday 5 July 2008

فكرة جريئة


جايز تكون فكرة جريئة شوية فلسفية أوى بس كتير أوى سرحت فيها بشكل عميييييييييق و تعبتنى أوى لحد مااستسلمتلها و أمنت بيها تماما ايه بقا الفكرة دى ..... مفيش حد مش أنانى مفيش حد بيحب من غير أى مصلحة أو حاجة مفيش حد بيضحى عشان حد من غير فايدة شخصية هتعود عليه......


فكرتى جريئة و أكيد محدش ممكن يصدقها بس دى حقيقة


الحب =الحاجة


يعنى مثلا أنا بحب صحبتى الأنتيم ليه عشان بتسلينى بنخرج سوا بنتكلم بفضفضلها لما أدايق


الانسان اللى بيحب واحدة بيحبها عشان بتدخله فى عالمها و بتحكيله عن حياتها و بتقوله بحبك و بتهتم بيه و بتتنازل معاه عن حاجات مابتتنازلش عنها مع غيره و بتحسسه بالتميز


الطالبة اللى بتحب مدرسها مثلا بتحبه ليه؟ عشان بيفيدها و سعات يحكيلها و يكلمها و يحسسها انها كبرت خلاص و بقت قد المسئولية دى


احنا بنحب ندون ليه؟ عشان دا بيفرحنا و بيدينا ثقة و بيخلينا نطلع كل اللى فى قلوبنا


أقصد ايه .... اممممممممم



كل حاجة و حد الانسان بيحبهم فدا عشان نفسه


الصلاة اللى بتصليها عشان خايف على نفسك من ربنا

هتقولى لأ مش عشان خايف عشان بحبه

طب يا سيدى بتحبه و حبك ليه بيخليك تفرح لما تطيعه يعنى بردو عشانك



دفاعك عن بلدك قدام الأجانب اللى بيسيئولها

عشان انتمائك ليها و حبك لناسها و عشان هى مكتوبة فى بطاقتك

هتقولى لا أنا بجد بحبها و حبك ليها بيدفعك انك تدافع عنها


حبك لصديقك ممكن يكون سببه انه بيبكيلك و يشتكيلك من حياته

دا فى حد ذاته بيكسبك شعور انك مسئول عن تفريج هم شخص


الأم بتحب أولادها عشان الأمومة

الأمومة مش أخد الأمومة عطاء , الأم عندها حاجة للعطاء و بيسعدها


الراجل اللى بيتصدق على الفقرا بيعمل كدا عشان سعادته فى دا و بكدا بيستمتع

يعنى بردو عشان نفسه...


الزوج بيحمى زوجته و بيضلل عليها عشان يحس بالرجولة اللى ...... بتسعده



اللى عايزة أقوله ان من غير حاجة مفييييييييييش حب


لأن الحاجة ممكن تكون حاجة للعطاء و التضحية


حد فاهم حاجة ؟؟؟!!!!!





7 comments:

حياتي كلها لله said...

بجد يل سمر الموضوع غريب جدا و عمره مخطر عل يبالي قبل كده ...إزاي خطر علي بالك ده بس اللي عاوزه أقولهولك أن الإنسان عايش حياته و عنده مشاعر و طالما عنده مشاعر يبقي أكيد حيحس شئ طبيعي طبعا و أكيد أي حاجة حيعملها في حياته حتأثر في مشاعرة مش معني كده أنه عاملها علشان نفسة لما حد بيغضب و يزعق ده أكيد مش معناه أنه بيعمل كده علشان يفرغ كبت جواه بيقي علشان نفسه يعني الام لما بتحب أولادها مبتعملش كده علشان تشبع إحساس الأمومة عندها و خلاص لأه لأنه ربنا أعطاها غريزة الأمومة اللي بتتحرك جواها أدام أطفالها الدنيا كلها ماشية كده ربنا لق الكون كده و لو بصيتي للدنيا بالنظرة ده حتبقي صعبة أوي أنها تتعاش

dr_samarmar said...

بس هى كدا يا سلمى

و الله هى كدا

leeno said...

ايوة انا فاهماكي

و مين قال ان البني ادم بيعملاي حاجة عشان حد غيره مهما كان معطاء اساسا الحب شعور اناني

و كل حاجة تقيبا مبنية عل الانا

بس الذ شعور في الدنيا انانية الحب و مش غلط ابدااااااااااااااا

leeno said...

ايوة انا فاهماكي

و مين قال ان البني ادم بيعملاي حاجة عشان حد غيره مهما كان معطاء اساسا الحب شعور اناني

و كل حاجة تقيبا مبنية عل الانا

بس الذ شعور في الدنيا انانية الحب و مش غلط ابدااااااااااااااا

dr_samarmar said...

أيوة ... مش غلط بس واقع


انتى كدا قولتى اللى ف دماغى و الله

شكرا ع الردود يا جميل

omnia mohamed said...

ازيك يا سموره
الفكره مش جريئه هى غربيه الحياه ابسط من كدا بكتير والحب مش حاجه هو عطاء اكتر

محمد سمير said...

على فكرة يا سمر انا متفق معاكى جدا
لان فعلا انا حاسس كده ان
الحب=الحاجة
و الحب يا امنيه احتياج للعطاء و التضحية
و للخذ برده محدش يقول انه عاوز يدى و ميخدش هيبقى بيضحك على نفسه