ليه كدا يا سمر ليه تعرضينى لحاجة زى دى بس
أنا أسفة يا سمر... أسفة بجد ماكنش قصدى اجرحك
بس أديكى جرحتينى ... عاوزة اعرف عذرك ايه دلوقتى ... أنا خوفتك كتير... فهمتك و وعيتك... قولتلك اوعى تفرحى ... اوعى السكينة تسرقك... انتى اللى مسمعتيش الكلام
عارفة... و ندمانة ... أنا غلطت فى حقك كتير .. و انتى مالكيش ذنب ... أنا كنت فاكرة انى هقدر أسعدك
و اديكى معرفتيش... و كل يوم بتزوديلى همومى زيادة.. منا م الأول قولتلك بلاش يا سمر.. قولتلك خلينا كدا... مش عاوزين حد معانا.. وحدتنا كانت مريحانى اوى ... صحيح كنت لوحدى ..... بس كنت بكبريائى لسة يا سمر
يا سمر ماتعذبينيش و انا يعنى كنت اقصد أجرحلك كبريائك و لا حتى اخدشه.. أنا بس كنت زعلانة علينا و احنا مش لاقيين اللى نشكيله همومنا كنا لوحدنا اوى و حبايبنا بيتسرسبو من ادينا يوم عن يوم ... و جه قدامنا اللى يفهمنا و يحس بينا.. ماكنش ينفع لما مدالنا اديه اقوله لأ
أديكى اتصرفتى و قولتيله اه و فرحتى شوية و بعدين ايه النتيجة ... رجعنا بردو لوحدنا بس المرة دى دموع عنينا اكتر بكتير ... عشان انا دلوقتى مش بس زعلانة علينا... أنا زعلانة ع اللى بقى جزء مننا ... زمانه دلوقتى حزينووحيد زيننا ... كنا سيبناه فى حاله و سابنا فى حالنا ...
بس خدى بالك يا سمر... ماتنكريش انى عرفت أسعدك
قد ايه؟ يومين عشرة أسبوعين تلاتة ... و بعدين ؟ هنحزن قدامهم قد ايه؟ يا سمر لو كانت الدموع اللى نازلة من عينيكى دلوقتى دى هى تمن السعادة اللى أسعدتيهالنا... يبقى كان بلاش منها احسن ... أنا زعلانة منك عليكى
و أنا كمان زعلانة من نفسى عليا... أنا السبب بمشى ورا قلبى
و انا غلطت بردو عشان معرفتش امشى اللى فى دماغى عليكى و سبتك فى طريق السعادة ياخدك معاه ... بس بردو مش قادرة اسامحك و لا هقدر.... كان لازم يا سمر تحبينى أكتر من كدا
أنا أسفة يا سمر... كنت فاكرة ان خلاص معاد فرحتنا جه
أنا اللى أسفة يا سمر.... مش هقدر أغفرلك وجع القلب و الكرامة و الدموع اللى راحو مننا
أسفة
14 comments:
السلام عليكم و رحمة الله و بركاته
أه يا بنتي الزعل ده كله حرام عليكي بتعذبي نفسك كده ليه .أنت مش عارفه زعلك ده غالي علي قد أه .
مفيش أي حاجه في الدنيا تستاهل زعلك أو دمعتك ..عيشي دنيتك خدي اللي يسعدك و ارمي اللي يحزنك .خدي نصيبك و بس من دنيتك و أوعي تندمي علي حاجة مكنتش مكن قسمتك فاهماني يا سمورة
..........عسي أن تكرهوا شيئا و هو خير لكم
مستنياك تكلميني أول متقريها
السلام عليكم
قرتها واحدة بليل أهو ... عيب أكلمك دلوقتى ... بكرة بقا باذن الله:)
أنا خلاص يا سلمى الحمد لله رب العالمين بقيت كويسة , هو بس أنا امبارح كنت فى الذروة يعنى و كنت مضايقة جدا
لكن الحمد لله
و أنا واثقة ان كل اللى بيحصلى خير فى خير باذن الله
الحمد لله
الغلطة من الصورة ولا مرايتها
ومش تقوليلي مفيش غلطة
لازم حد كان غلطان
حستنا ردك
صدقنى لما أقولك و لا دى و لا دى
الناس يا محمد كسرونى قبل ما يكسرو مرايتى
فى ناس ربنا بيسخرهم عشان يقضو على سعادة ناس تانية مالهاش ذنب
بس طبعا الحمد لله
لو دخلتي منتدي الاصدقاء حتعرفي ان الحال من بعضه
ليا عودة ان شاء الله
وقريب ابتسامتك حترجع باذن الله
متزعليش من نفسك
كل جرح و كل لحظة هي ب في انك انتي و نفسك تبقو حد اقوى
شكرا ع الرد يا لينو ... أنا عارفة و الله ان كل حاجة بتعلم و بتقوى و بتجمد
بس ماكنتش عاوزة اجمد أصلا
كنت عاوزة أفضل زى مانا
حاسة انى كوباية قزاز و اتشرخت ... كنت عاوزاها زى ماهى
يللا الحمد لله
للاسف انتي بالفعل غلطي في حق نفسك
وانا بتهمك بكدة اتهام مباشر
ولازم تصلحي الغلط ده بايدك حالا
وتغيري اسلوب تفكيرك واسلوب حياتك شوية
وتوجهي دفة المركب التوجيه الصحيح
متبصيش تاني تحت رجليكي
واعرفي قيمة نفسك
واسمعي كلمة ماما قالتهالك
عشان انتي بتتلخصي في الكلمة دي
بحاول :)
شكلي حفضل السكات لو كان الرد دايما هو ده
حيبقا سكات بلا رجعة علي فكرة
$:
قريت البوست دة اكتر من مرة وهرد عليه باختصار شديد يا ريت كانت الدموع بتريح خلى بالك على سمر هنتقابل قريب
محمود السيد/صاحب مدونة شاطئ الاحزان
لا بتريح يا محمود... بجد و الله لما بتبكى بتعرف تبص للموضوع من اكتر وجهة نظر و بتفكر صح فى مشكلتك و بتهدى أوى
نورت المدونة
عاوزة أشوفك بجد :)
ربنا يريح بالك..عيد ميلاد سعيد يا حبيبتي
خليكي مع أصحابك وقايليهم..واضحكي
صدقيني لو ضحكتي للدنيا هتضحك لك بجد :)
اخرجي وغيري جو من كل ده :)
عاوزة أقابلك..
سلمى شكلها بتحبك..لو انتم اصحاب وبتتقابلوا انتي وهي اتقابلوا :)
يارب أشوفكم..ونشرب مع بعض الشاي يا قمرة كمان :)
خلاص..لو حصلت وجت اسكندرية..أقابلك يا سمر وتيجيبي معاكي كل البنات وترجعي تضحكي من جديد :)
والله لما قريت كلامك عاوزة أشوفك..انتي تستاهلي كل خير :)
Post a Comment