Tuesday, 17 February 2009

اعتذار و خبر و موضوع و طلب

سلام عليكم

اعتذار و خبر و موضوع و طلب فى بوست واااحد.. شوفتو الطمع :)
بعتذر جدا عن التأخير دا بس دا بجد علشان الدراسة بقا
مانتو عارفين

بالنسبة للخبر بقا.. فأنا شوفت انى بدل ما أتأخر مرة ف مرة عن البلوج لحد ما أكسل أدخل أصلا زى ماحصل قبل كدا
أخلى فيه معااد ثابت للنشر :)
كل يوم تلات بعون الله .. علشان التلات أجازتى :)
و يبقى عدد أسبوعى بقا.. حتى أجازة أخر العام ربنا يجيبها بالسلامة كدا يارب ان شاء الله

الموضووووع بقا اللى عايزة أتكلم معاكم فيه أهو :)

حاجة حثنا عليها ديننا و أمرنا بيها الرسول صلى الله عليه و سلم مش بس أمر دينى .. دا كمان أمر انسانى و أخلاقى وواجب اجتماعى لابد منه و المفرووووووض ان كلنا ننفذه الأمر بالمعروف و النهى عن المنكر جملة قريناها كتيييير أوى أوى فى كتب الدراسة من أيام ابتدائى و فضلنا نسمعها كتير.. لحد مابقت مجرد حروف بنرددها .. ياترى كام واحد فينا بيتفكر فيها لما يسمعها أو حتى لما يقولها و الله كام واحد بيعمل بيها؟؟؟ راح فين "من رأى منكم منكرا فليغيره.... " راحت فين المبادىء اللى كلنا اتربينا عليها؟ كلنا حافظينها و يمكن صم كمان بس مين فاهم بيقول ايه فى يوم كنت راكبة التراااام و ماسكة بقا فيروز التطور الطبيعى للحاجة الساقعة و و لا فى دماغى الدنيا لقيت بنت بتقولى 3 جمل.. ممكن أقولك حاجة.... ممكن ياريت ماتشربيش الحاجات المقاطعة دى... ذنب الأطفال اللى بتموت ليه تشيليه دا ذنب خطير أوى... قالت كدا و انا بقيت محرجة و ف نص هدومى .. نزلت البنت فى المحطة اللى بعدها على طول.. و سابت فيا أثر عالى أوى أوى.. احترمتها جدااااااااااااااا و حسيت انى ضعيييييفة قدام مطالبى كلها.. و انى أقل مما كنت متصورة بكتير.. حسيت أحاسيس مخجلة ليه ماكونش فى شجاعة البنت دى؟؟؟ ليه مايكونش حبى لدينى و دفاعى عن مبادئى أهم من أى حد فى الدنيا.. و لا يهمنى الاحراج و لا الناس .. مايهمنيش غير انى دافعت عن قيمة و تمسكت بيها .. أنا حاولت أعمل زى البنت دى ف يوم.. كنت بجمع تبرعات لغزة فى الكلية.. و بنت كلمتنى بطريقة وحشة جدا جدا جدا لما قولتلها اتبرعى و قاطعى .. هاجمتنى هجوم عنيف و ازاى نقاطع دا كل المنتجات بتاعتهم هنقاطع ايه و لا ايه فى أساسيات و أتبرعلهم ليه ماهو مصر أولى مصر فيها فقرا كتير و أنا بحاول أقنعها لقيتها بتقولى.. انتى عايزة ايه منى يعنى دلوقتى و مشيت بس عارفين؟ حسيت انى كبيييييييييييرة ف نظر نفسى .. فى اللحظة دى بجد حسيت انى فخورة بنفسى أوى أوى أوى.. أنا أصلى طول عمرى كدا مش بحب حد يحرجنى أبدا بتجنب أى موقف زى دا.. عمرى ماطلبت انى أكلم حد أو أتعامل معاه الا قليل جدا علشان ماينفعش أتحرج .. مش بقبلها.. و لو حصلتلى ف موقف مختلف ممكن أقعد يومين أعيط فى أوضتى لكن أنا حتى الأن لما بشوف البنت دى فى الكلية رايحة أو جاية بينتابنى شعور غريب بالسعادة.. و انى مش وحشة و لا حاجة بعيدا بقا عن المقاطعة لأن دا مش موضوعنا مش عارفة ايه اللى جابه مين فينا بيشوف اللى بيكدب اللى مش بيصلى اللى بيشرب سجاير كمان اللى بيعصى أمه و أبوه اللى بيخنسر فلوس.. هى اسمها سرقة بس بيدولها مسميات تانية .. من أبوه اللى بيرتشى اللى بيتعامل فى الربا و بيتكلم و يقول عيييييب و بينصح و يقول حاول تبطل ؟؟؟؟؟؟؟؟؟ جاوب بصراحة.. و قوللى مواقف

و أخيرا فى طلب صغير كدا.. ممكن تدعووووووولى علشان أعرف أذاكر بجدية بقا و مبقاش زى السنة اللى فاتت
يعنى ببساطة ادعولى أدح

هروح أرد على تعليقات البوست اللى فات بقا :)

39 comments:

romansy said...

كل سنه وانتى طيبه
ويارب دايما تكتبى لنا كده
دايما مستنين جديدك
اما بقى عن الطلب فاحنا هندعيلك دايما
موضوعك جميل اننا نتكلم فيه
بس ياريت الناس كلها تفكر ولو لحظه فيه كانت حاجات اتغيرت كتير

promise is promise said...

السلام عليكم

ازيك يادكتوره سمر يارب تكونى بخير

ان شاء الله هنتابعك كل يوم تلات وندعيلك ان شاء الله بالتوفيق

بالنسبه للبوست
فعلاالامر بالمعروف والنهى عن المنكر قيمه قد نكون افتقدناها كتير فى زمانا ده
بس دى حاجه حثنا عليها الرسول صلوات الله عليه اذا ماقدرناش نغير بالفعل على الاقل بالكلمه الطيبه زى ماعملت البنت دى

ربنا يكرمها ويكرمك ويكرم بنات المسلمين جميعا

ليا تعليق بس فيروز مش مقاطعه دى شركه الاهرام مصريه
ههههههههههههههه
حبيت اوضح بس
والسلام ختام

بنوتة said...

السلام عليكم
والله الامر بالمعروف والنهى عن المنكر اتعكس النهاردة وبقت في ناس للاسف بتدعو للمنكر وتنهى عن المعروف ربنا ينجينا
أنا كتير ببقى نفسي انصح ناس بشوفها بس أحيانا بتكسف واحيانا تانية مبعرفش
على العموم ربنا يهدينا الى ما يحبه ويرضاه
اما عن الدعاء ربنا يكرمك ويصلح حالك ويوفقك
تحياتى ليكى

dr_samarmar said...

رومانسى

ميرسى ع الرد الجميل ربنا يكرمك يارب

منور وا لله :)

القلم السكندري said...

أبدأُ بقول الله:: (لُعن الذين كفروا من بني إسرائيل علي لسان داود وعيسي بن مريم ذلك بما عصوا وكانوا يعتدون* كانو لا يتناهون عن منكرٍ فعلوه لبئس ما كانوا يفعلون)

وأُثَني بحديثه صلي الله عليه وسلم:: (إن الناس إذا رأوا المنكر فلم ينكروه أوشك الله أن يعمهم بعقابه)


أحييكِ أختنا الكريمة علي موقفك القوي في كليتك.. وحين يتعارضُ البشرُ مع أمر من أوامر الله فاضربي بهم عرض الحائط ولا تبالي

فتلك عزةُ المؤمن

وذلك استعلاؤه بالإيمانِ أنه يتلقي أوامره من السماء.. من الله

لا من أعراف المجتمع ولا من تقاليده

لا يقف بينه وبين تنفيذ أوامر مولاه لا حياء ولا حواجز مجتمعية ولا خلافها

تقبلي وافر التحية

وشرفتني زيارتك

dr_samarmar said...

بروميس

هههههههههههههههههه

و الله مش مقاطعة

أمال ايه المهرجان اللى عملتهولى دا
هههههههههههه

ميرسى ع الرد يا جميل

dr_samarmar said...

بنوتة

شكرا ع الزيارة و المرور يا بنوتة

و عندك حق طبعا
دا كتير أوى بيكون بالعكس

بالنسبة لكسوفك ماتتكسفيش حاولى انتى بس و هتلاقى الموضوع جميل أوى :)

منورانى :)

نفرتارى said...

الدكتورة سمورة ،،
ازيك يا قمر .. الامر بالمعروف والنهى عن المنكر شئ مهم جداً ولكن الكل بيقول وانا مالى كل واحد عارف بيعمل ايه .
وفى ناس تقول المثل الشعبى " اللى بيشيل قربه مخرومة بتخر عليه " .. والكثير من هذا الكلام السلبى فندعو من الله بالرحمة وعودة القيم الدينية الجميلة التى فقدت فى هذا الجيل الغريب .
وربنا يوافقك وتدحى وتبقى الاولى على الدفعة كمان .. ان شاء الله .

تحياتى ودمتى بصحة وسعادة ودح

نفرتارى

صدى الصمت said...

جميل قوى انك تكونى إيجابية وتحسى انك بتعملى حاجة تفخرى بيها
أتمنى لك التوفيق والنجاح دائماً
تحياتى

Sweet Violet said...

اولا اعتذار مقبول ..يلا عدى الجمايل بقى ادينى قبلت و ده صعب جداااا هههههههه

اما بقى الخير علشان بس الدراسه هقبل بيه .. على فكرة انا مسالمة قوى معاكى كده و ده مضايقنى جداااا .. بس لما تخلصى الدراسه ابقى اخد حقى بقى

((:

اما بقى عن الموضوع معاكى حق فى كلامك بس للأسف فى ناس اخدت اضعف الايمان اللى هو التغيير بالقلب .. السلبية بقت منتشرة قوى مابينا

ربنا يهدينا يارب

اما بقى عن الطلب .. حاااااضر انا مش عارفه ايه بوست الطمع ده بس ياربى

ندعى و امرى لله ... بس بلاش تاخدى على كده بقى ماشى ؟؟

هو بس الدلع بيكون ايام الدراسه بعد كده

لااااااااااااااا يمكن خالص ابدا جدا انى اسكت ههههههههههههههه

تحياتى ياقمرايه و ربنا يوفقك فى الدراسه يارب

gogo!sf said...

ياستى ربنا يكرمك وينجحك
امين يارب العالمين

............

والله مش عارفة اقولك اية الواحد قاطع حاجات كتير اوى بس مافيش ليها بديل مهو لو خير بلدنا موجود كنا قاطعنا بجد

وربنا يكتر من امثالك وناصيحك ويقوي
ايمانك يا رب

وحاولى متخليش اى موقف يأثر عليكى
ويمنعك من فعل الخير

تمنياتى لكى بالنجاح والتوفيق

Soul.o0o.Whisper said...

سمورة الجميلة

اعتذار مقبول

و هنستناكى كل تلات
على أحر من الجمر
و يارب مش تتأخرى علينا

و بالنسبة للموضوع ففعلا
كلنا بنحرج نقول لحد أنت غلطت فى كذا
أو كدا عيب
او كدا مايرضيش ربنا

فى حين بنلاقينا بنقول شفت آخر فيلم فى السينما ايه
طب سمعت آخر أغنية مش عارفة لمين


يعنى بئينا بالعكس


الله المستعان




و بجد هندعيلك ربنا يوفقك
و يعينك
و دايما بالنجاح يارب





دمتى بود يا سمورتى

smilyrose said...

كل سنة وانتى طيبة يا جميل

وان شاء الله هنستنى يوم الثلاثاء

دا بفارغ الصبر

وربنا يعينا على ما نراه حبيبتى

وعلى فكرة كتير قوى بنشوف حاجات

المفروض مش تحصل مننا كمسلمين وعرب

ولكن الواحد لو اتكلم بتلاقى رد فعل

غريب كانك ارتكبتى معصية

ياسبحان الله

المهم مش تغيبى علينا

smilyrose

روح الحب الصادق

elsha3er said...

اولا سننتظر جديدك كل تلات

وربنا يكرمك فى دراستك
ما انتى حالك من حالنا وعارف الضغوط

اما عن الامر بالمعروف والنهى عن المنكر

الحكاية دى عيب وبيعاقب عليها القانون وممكن يضربك الناس لو عملتى بيها

لكن الواحد بيحاول لى قد ما يقدر


تحياتى


احمد الشاعر

fashkool said...

الامر بالمعروف والنهى عن المنكر .. قيمة كبيره ليتنا جميعا نستطيع تطبيقها .. كا ان مقاطعة البضائع والمنتجات التى تدعم الصهيونيه قيمه كبيره ..
يا ربت يديكى الصحه وتدحى على اخرك عشان تنجحى وكمان تجيبى تقدير فوق التقدير الشعبى
تحياتى

صوت من مصر said...

حلوه حكايه يوم الثلاثاء
مع انى بكره الثلاثاء زى ما قال كرومبو
دعوه بالمذكره الجيده دائما

dr_samarmar said...

ألقلم السكندرى

متشكرة جدا جدا على ذكر الأيات و على رد حضرتك الجميل

نورتنى و أرجو أنا يدوم التواصل بينا

تحياتى

dr_samarmar said...

نفرتارى

تعليقك عجبنى جدا :)

السلبية هى السبب للأسف فى تراجع كل الأمم

ميرسى ع الدعوة الحلوة مع انها وسعت شوية :D

كفاية أوى جيد و لا جيد جدا يبقى رضااااااااااا :)

تسلمى يا جميل

منورانى

dr_samarmar said...

صدى الصمت

شكرا ع التعليق المختصر المفيد دا يا جميل :)

منورة

dr_samarmar said...

سويت فيوليت

ههههههههههههههه

تعليقك ضحكنى جدا ماشاء الله دمك خفيف أوى

ميرسى ع الجمايل دى كلها دى بقت هم كبير فوق كتافى معرفش هشيله ازاى
هههههههههههه

ميرسى ع الزيارة و لكومنت الحلوين :)

dr_samarmar said...

gogo!sf

ميرسى يا جميل ع الرد

و فعلا و الله لو كل واحد فكر كدا و ماقالش يللا نفسى

الدنيا حالها هيتصلح

dr_samarmar said...

سوووول

كلامك حقيقى و واقعى جدا

دا اللى بيحصل للأسف

ردك جميل يا سولتى :D

دمتى بود يا قمر :)

Sweet Violet said...

عارفانى .. مش عارفانى

عارفانى .. مش عارفانى

عارفانى .. مش عارفانى

عارفانى .. مش عارفانى

على فكرة دى ورده و انا عماله اقطع فيها .. تخيلى الموقف معايا

عارفانى .. مش عارفانى

عارفانى .. مش عارفانى

عارفانى .. مش عارفانى

عارفانى .. مش عارفانى

امممممممممم شكلك مش عارفانى عاااااااااااااااااااااااااااااااااااا

هو عموما الكل اتلغبط من الاسم الجديد

عموما بقى ابقى ادخلى و اعرفى انا مين

لالالالالا مش هقول دلوقتى

الجمايل كتير و انتى لحد الان ماسدتيش اى حاجه

بلاش دلع بقى

خدى اول توكتك و تعالى شوفى النيولوك

و مش على حسابى على فكرة انتى اللى هتدفعى

((:

dr_samarmar said...

سمايلى رووووز

تسلمى يا جميل على ردك و ذوقك العالى :)

بيبقى شكل اللى بينصح دا فعلا كأنه بيغلط و كأنه بيقول حاجة غلط

و الناس كلها تقول بقا ايه أنا مأحبش حد يتدخل فى خصوصياتى
مالها هى محجبة و لا لا
ماله هو أنا بشرب سجاير أنا حر

مابيفكروش للحظة ان دا من تعاليم ديننا

منورة :)

dr_samarmar said...

الشاعر

هههههههههه
و محرمة دوليا كمان

هنعمل ايه بس

ربنا يوفق الجميع يارب :)

متشكرة ع الرد الساخر لأوضاعنا وا لجميل

دمت بود :)

dr_samarmar said...

عمو صلاح

متشكرة جدا جدا على رد حضرتك يا عمو و ع الدعوة الجميلة دى ربنا يتقبل يارب :)

منور المدونة حضرتك :)

dr_samarmar said...

صوت من مصر

و أه من كرومبو دا هيجيبلى شلل :D

متشكرة جدا ع الرد

dr_samarmar said...

سويت فيوليت

أو ضد

أيا كان بقى الاتنين حلوين :D

مبروووك ع الاسم الجديد


أنا بردو مسكت وردة على فكرة و قعدت أقول هى مش هى هى مش هى هى مش هى هى مش هى هى مش هى هى مش هى

:D

أنا رديت هناك بردو :))))

دمتى بود يا جميل :)

واحد من الناس said...

السلام عليكم

أولا الإعتذار طبعا مقبول لأن كل الناس بييجيلها فترات تغيب فيها لأي ظروف

ثانيا الخبر

كويس والله إنك تقدري تحافظي على كتابة بوست أسبوعي وكمان في معاد محدد يعني هنقرالك زي ما بنقرا الدستور!!!

ثالثا الموضوع

والله الواحد زهق

معادش حد بيقول أي كلمة حق

كل واحد بيقول يلا نفسي وأنا مالي ويا عم أنا عاوز اربي العيال ومش عاوز وجع دماغ وقال يا داخل بين البصله وقشرتها ما ينوبك إلا.....ودع الخلق للخالق.....إلخ

شايفه الحجج متوفره قد إيه

ده اللي إحنا بقينا فالحين فيه

رابعا الدعوه

هندعيلك إن شاء الله

تقبلي مروري ، وتحياتي

dr_samarmar said...

واحد من الناس

دستور دستور مين بس!!

هنا أهم من الدستور
ههههههه

للأسف الحجج فعلا بقت متوفرة أوى علشان نخلع ادينا ما لمسئولية

تحياتى و منور :)

blue-wave said...

اول زيارة
واستمتعت جداااااااا بجد

dodda said...

يا دكتوره مهم اوى اننا قبل ما نحاكم الناس
نكون اكتر صدقا مع نفسنا

ربنا يعينك وتذاكرى زى ما انت عايزه

yoyo said...

اولا انا فى انتظار جديدك كل ثلاثاء يا دكتورة
هيبقى حديث الثلاثاء على رأى ونيس هههههههه

يارب دايما منورة مدونتك ومنورة كل المدونات يارب

ربنا يوفقك و يعينك يارب

تحياتى
يويو

Heba Sayed said...

السلام عليكم

ربنا يوفقك يارب ياقمر

بالنسبة لميعاد ثابت للنشر حلو طبعا

لانى هعمل كده فى مدونتين ليه مقصرة فيهم شوية

وتمنياتى لكى بالنجاح والتوفيق الباهر

دمتى بخير

dr_samarmar said...

blue-wave

متشكرة ليك جدا و أرجو انها ماتكونش الأخيرة يارب :)

dr_samarmar said...

dodda

انا معاكى يا دوددا اننا لازم نغير فى نفسنا.. و نبص لروحنا قبل مانصدر أحكام ع الناس

بس الحلال بين و الحرام بين

فى حجات مفيهاش جدال و مش حكاية اصدار أحكام بقا حاجة معروف انها حرام حرام

و رسولنا قال (إن الناس إذا رأوا المنكر فلم ينكروه أوشك الله أن يعمهم بعقابه زى ما القلم السكندرى وضح

و يسئل المرء عن صاحب الساعة


يعنى دا واجب علينا :)

منورانى
تحياتى:)

dr_samarmar said...

يويو

دا نورك انتى يا جميلة ربنا يخليكى يارب و يكتر من أمثالك :D

ميرسى ع الكومنت الجميل يا قمر :)

dr_samarmar said...

هبة

ميرسى يا جميل ربنا يخليكى

انا فعلا لقيت كدا أحسن علشان مأقصرش و لا أبعد عن مدونتى حبيبتى :)

will said...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園