Sunday, 21 June 2009

سبهللة

واحد راكب أوتوبيس و الدنيا زحمة و فجأة عااااتشىىى (يعطس يعنى )و كح كح كح و ...... المهم يعنى لو هيعدى يبقى هيعدى لأوتوبيس كله

سبهللة

و طبعا بما ان زبالة كل الدول المجاورة و البعيدة مش بتلاقيلها مزبلة غير مصر فمن السهل جدا دخول شحنة قمح فاااااسد لمصر و من الصعب جدا ان مصرى واحد يتظاهر أو يشتم فى وزارة التجارة أو التموين

سبهللة

عادى جدا ان بلد كالصين تمنع دخول أى مكسيكى الى أضها لكن صعب جدا مصر تحط الوافدين من دول مصابة بوباء عالمى قاتل فى الحجر الصحى لمدة أسبوع واحد بس قبل ما يدخلو..و طبعا مافيش مصرى بيفتحبقو ماهى أصلها بقت

سبهللة

معظم شباب مصر يومهم خلال الأجازة الصيفية لا يتعدى لعب الكورة و الفرجة ع التليفزيون و القعدة ع النت و الخروج و التسبيل للبنات..مش لاقيين رادع
ماهى

سبهللة

أب يقتل مراته و عياله عشان فلوس

سبهللة

خال يغتصب بنت أخته

سبهللة

سبعين مليون واحد رافضين يقولو لأ و مصرين يمشو جنب الحيط

سبهللة

أم بتصلى كل الصلوات و مش بتقول لأبنها صلى و بتلبس لبس محتشم و مابتقولش لبنتها اختشى

سبهللة

أب بيشرب سجاير قدام ابنه و بيقوله اوعى دخن

سبهللة

بعض أعضاء حد الجمعيات الخيرية يزورو دار أيتام و يلعبو فيها مع بعض كووورة !!

سبهللة


أم سامحة لعيالها يقلو أدبهم عليها..أب يبصبص لبنات قد بناته قدامه ولاده..شاب مضيع فلوسه ع المخدرات..بنت كل حياتها تليفونات و هدايا فلانتاين..طالب بيذاكر بس و رافض يتكلم فى أمور و شئون بلده..شحاتين ماليين البلد و محدش قادر يمنعهم ..أطفال شوارع بتنحرف و حكومتنا سايبينهم .. ناس بترمى فضلاتها فى الشوارع..موظفين متكربسين فى مكاتب و أراشيف بيشربو شاى ورا قهوة من غير عمل..مدرس بيتهدد من طالب بقطع عيشه لو ماتعدلش معاه..دكتور بيسرق أعضاء.. صحفى بيرتشى..محامى فاسد معندوش ضمير..ظابط فى شكله و فى الأصل فتوة بيفترى على خلق الله.. استراتيجية وزارة التعليم المصرية هى حشو الدماغ

يا جماعة العيب بجد مش فى الحكومة أبدااااااا
العيب فينا احنا...فى الشعب...اللى راضى و مستسلم لعيشة

السبهللة

ياريت نتغير قبل ماغضب ربنا يحل علينا بجد و الضربة اللى تفوقنا تبقى فوق احتمالنا
و كفاية سبهللة

17 comments:

marmar said...

حبيبتي السكره ازيك يا بنتتتتي فينك مش بتسألي ولا بتعتبري ايه الخيييييييانة دي بققققى


كل السبهلالات في مصر وفي العالم وفي كل الدول كتيره اوي

لما مصر تخسر قدام امريييكا الفاشله
سبهلله

لما مصر تفوز على ايطاليا وتخسر من امريكا
سبهلله

لما انا انزل مصر متاخر عن موعد سفري سبهلله

عااااااااااااااااااااااااا
انا مضايقه بقى

Sweet Violet said...

هى مصر ايه غير شوية سبهللة فوق بعض

^_^

اكيد الحكومة عليها عيب لكن فعلا الجزء الاكبر علينا احنا

v_v

smilyrose said...

السلام عليكم

ازيك يا دكتورة سمر

اخبارك ايه وحشتينى جدا

وبقالى كتير متغيبة ومش اعرف عنك حاجة

يارب تكونى بخير

smilyrose said...

المهم

مانتى قولتى سبهلله

احنا شعب عايش عيشة السبهللة

نسكت على الغلط

ونعدى كل ما لا يعدى

ونقول وانا مالى

ونخاف من كلمة الحق

واهى برده سبهللة

سنهللة واد احنا عايشين

من الحق خايفين

وللظلم مسلمين

وياخوفى من زمن جاى

هنعمل ايه مش عارفين

وردشان

روح الحب الصادق

dr_samarmar said...

مرمر

ههههههههه
و الله منورة يا قمر

و الله يا ريم انا كنت بمتحن و ماكنتش بفتح النت دا خالص و لا بشم ريحته و الله
بس ع اعموم ماتزعليش منى و ان شاء الله مش هتأخر تانى :)

بالنسبة لمصر و أمريكا فدى نتيجة التساهل و الاستهتار

dr_samarmar said...

سوييت

ماهو الحكومة دى ايه ؟ الحكومة دى ناس مننا مستهترين زينا و مش متحملين المسئولية علشان هما مننا مش أكتر

يلا... ربنا يهدينا

و يبعد عننا السبهللة

منورة :)

dr_samarmar said...

الله يا ورد ايه الكلام الجامد دا

شكلك معبية و مبقوقة زيى

بس انا عايزة أطلب منك طلب..بلاش كلمة دكتورة دى.. أنا أختك الصغيرة سمر.. و ممكن تقولى سمرمر كمان :D

roaua said...

فعلا الدنيا بقت سبهللة بس مش كله كده
ع العموم ربنا يهدي الي على الشاكلة دي يارب
سيدنا عمر بن الخطاب قال
إني لأكره أن أرى أحدكم يمشي سبهللة
ربنا يكفينا شر السبهللة بتودي في داهية في الآخر والله
تحياتي

elsha3er said...

اهلا بيكى فى سبهلله

بس بجد والله عندك حق بس ما باليد حيلة زى ما بيقولو


تحياتى


احمد الشاعر

عاشقه الرومانسيه said...

ياريت نتغير قبل ماغضب ربنا يحل علينا بجد و الضربة اللى تفوقنا تبقى فوق احتمالنا
******************************
يعنى هيحصل لنا ايه اكتر من البلاوى دى كلها؟
نفسى افهم

yoyo said...

مسائك سكر

عارفة رغم ان الحياة والدنيا كلها سبهللة فى سبهللة بس احنا فى ايدينا اننا نحاول نمحى الوضع دا يعنى البلد مش بس هى اللى بايظة واحنا ملاك برء لا العيب فينا احنا الاول مش عيب زمن ولا حتى بلد المهم اننا نتصالح مع نفسنا و نحاول نصلح من اخطائنا

بويت حلو و و اقعى جدا
دمتى بالف خير وصحة
تحياتى
يويو

صدفة جميلة said...

صباح السبهلله والكوسه فى بلد صارت منحوسه
لحد امته يابلد هانعيش زى النعام
هايبقى رد فعنا هو وبس الكلام
نخاف نقول لا ونرضى بالاستسلام
نرضى نصاحب عدو فاسد جبان وظالم
خوف منه على الرغم انه نكره مالهوش مقام
للاسف السوس عمال ينخور فى ارضنا وحنا ولا على بالنا ونقول الذنب مش ذنبنا
انستى العزيزه هذا ان دل دل على النهايه
بس صدقينى لو كل واحد بدء بنفسه الاول يمكن الوضع ينعدل شويه
نسال الله ان يساعدنا ويهدينا الى خير الامور وصائب الاعمال ويحررنا من الجبن والاستسلام

dr_samarmar said...

roaua

يارب ربنا يسمع منك و يخرجنا منها على خير

dr_samarmar said...

أحمد الشاعر

لا طبعا..باليد حيلة

كل واحد فينا فيه عيوب مجتمعية لو غيرها المجتمع كله هيتغير

dr_samarmar said...

دودو

ما خفى كان أعظم

الله أعلم بس أكيد لسة فى أكثر لو استمرينا

dr_samarmar said...

يويو

بالظبط كدا و الله بالظبط

نقف قدام نفسنا وقفة بجد و نحاول نغير الوضع السخيف اللى بقينا فيه دا

بان كل واحد يشتغل على عيوبه

dr_samarmar said...

صدفة جميلة


صح بالظبط كدا....نبدأ بنفسنااااااا

شكرا ع الكومنت