Sunday 21 December 2008

.....حين


حين كانت ضحكتى من قلبى

حين كانت تملأ الدنيا ضياءا فى عينى

حين كان حزنى ,و لو من أجل أتفه الأشياء

يجعل الدنيا أمام ناظرى سوداء

حين كان لحياتى أهداف..

و ان كانت أهداف ليس لها ثمن

و لا تتحقق الا بأسهل الطرق و أقل الجهود

و لكنها كانت موجودة

حين كانت دمعتى تذيب القلوب

و ترقق قلب من ينظرها

حين كنت لا أبتسم الا لمن أحب

حين كانت ابتسامتى لا تخرج الا لمن يستحقها

حين كنت أعبس فى وجه من أكره

حين كانت تصرفاتى نابعة من داخلى

حين كان لا يتحكم بها منصب أو سن

حين كان لا يهمنى من أمامى أبيده مصيرى أم لا

أبامكانه ايذائى أم لا يستطيع

حين كنت لا أجامل... لا أنافق... لا أخاف

حين كان حبى لا يشوبه شىء

و أعبر عنه بقبلة

و حين كان بغضى لا يشوبه شىء

و أعبر عنه بعبسة فى منتهى البراءة

حين كنت أتحدث مع من أريد

و أرفض التعامل مع من لا أريد

حين كنت أرتدى ما أتمنى

حين كانت سنين عمرى تحصى على أنامل يدى

حين كنت طفلة ......... ليتنى بقيت طفلة

33 comments:

مهرة سالم said...

سمرمر الجميله..
الحمدلله على السلامه طولتي الغيبه..
..........
من منا لم يتمنى أن يظل بتلك
البرائه والنقاء...
ولاكن للأسف في هذه الحياه
يجب أن نخفي كل تلك المشاعر لنستطيع مجابهتها وإلا ضعنى...
......
كلماتك جميله ورقيقه زيك...
......
دمتي نقيه..

mera said...

السلام عليكم يا سمسمه

كلامك جميل قوى قوى قوى ...عارفه اكتر حاجه عجبتنى ايه:
حين كانت دمعتى تذيب القلوب


و ترقق قلب من ينظرها


حين كنت لا أبتسم الا لمن أحب


حين كانت ابتسامتى لا تخرج الا لمن يستحقها


مش ممكن كلامك ده....ربنا يحميكى..

بس كمان زى ما من سنين كانت قد ايه جواكى مشاعر جميله..اكيد لو دورتى دلوقتى هتلاقى جواكى مشاعر اجمل بس بشكل مختلف...مش تحرمينا من كلامك الجميل ده

ميرا المصريه

Kiara said...

حين كنت طفلة ......... ليتنى بقيت طفلة

كلماتك بجد بجد رقيقه اوووي وفي الجووون

من غير عنـــوان said...

ليتنا بقينا أطفال....لنبقى بقلوبنا وإن كبرت أجسامنا

حياتي كلها لله said...

السلام عليكم

حمد الله علي السلامة ..
الدنيا نورت و الله
طبعا رأي مش محتاجة أقولة
"تحفة فنية و أدبية "

بس أنا قلقانة قوووووي من حين كنت لا أنافق لا أجامل ..

أنا لا أراك الآن تنافقين ):

بس أنت بتحبيني بجد صح مش مجاملة يعني

تحياتي
سلموكا (:

dr_samarmar said...

M.K
ربنا يكرمك بجد فعلا نورتينى و نورتى البلوج بتعليقك
للأسف زى ماقولتىا لبراءة بتضيع علشان خاطر ناس ماتستاهلش ضياعها


و الله يسلمك :)

dr_samarmar said...

ميرا

متشكرة ع الكومنت يا قمر نورتينى

أكيد عندك حق و بتفضل جوانا حجات جميلة حتى بعد ما نكبر

بس للأسف كتير الزمن بيغلوش عليها و بيداريها

أو احنا اللى بنحس ان دى مشاعر طفولية .. و بنحاول و نحرص على اننا نقلل من برائتنا و طيبتنا.. للأسف بيحصل :$

dr_samarmar said...

مولان

ربنا يخليكى يا مولان نورتينى

بس أنا بجد بقولها من قلبى .. لو قعدت أوصفلك هاخد أيام فى وصف حبى لبراءة الأطفال
و جمالهم
و ابتسامتهم

بل و دموعهم أيضا و الله

بحبهم.. بموت فيهم :)

dr_samarmar said...

من غير عنوان

نورتنى فى مدونتى المتواضعة

بس تفتكر فى ناس بتفضل محافظة على قلبها زى ما هو كدا ؟
و الزمن مش بيغيرو خالص؟
دول يبقى عندهم قوة فولاذية جبارة :)

تحياتى

dr_samarmar said...

سلاموكا


نورتينى يا حبيبتى

و كلامك غاظنى جدا
يا هبلة يا أم بدوى


طب دنا أحلى حاجة ف حياتى صحابى

لأنهم هما الناس اللى ماتفرضوش عليا و اللى أنا مختاراهم بارادتى

من غير ما حد يقولى اعرفى دا و ماتعرفيش دا
و من غير ما الظروف تدخل

اللى أقصده بالمجاملة و النفاق حاجة تانية خالص

التعاملات الاجبارية اللى هتشلنى خلاص :$

زى دكتور نادية كوجنوزى لما أخدت موبايلى علشان بصور المحاضرة م الشاشة

و أروحلهم و أتحايل عليها
و سورى يا دكتور لو سمحتى يا دكتور

يوميها أنا أكدت و لسة بأكد انى أفضل منها

كلهم يوميها قالولى دى دكتورة و واخدة شهادات علمية

قولتلهم معاملتها لطالبة أقل من عشرين سنة بالطريقة دى كأنى بشحت منها يدل انها أدنى منى .. و عندها نقص بتداريه

بس يا ترى بينت حقيقة مشاعرى دى قدامها؟؟
طبعا لا

ليه؟
علشان هى دكتورة و فى اديها تنجحنى أو تسقطنى
و عشان سنها كبير وواجب للأسف أحترمها
و علشان معاها موبايلى العزيز :)

تفتكرى لو كنت طفلة؟؟ مش كنت هقولها اتفلقى و روحى ف داهية ؟؟ و ماتعاملش معاها بالمرة؟

دا النفاق اللى أقصده :$

hasona said...

السلام عليكم

تعرفي علشان أعرف مدي التغير (التغيير ) الكبير اللي حصل لك/بيحصل لينا جميعا،،،حبيت أحسبه بطريقة مادية بحته تعرفي عملت ايه
قعدت أعد في تكرارك لكلمة (( حين ))

hasona said...

السلام عليكم

تعرفي علشان أعرف مدي التغير (التغيير ) الكبير اللي حصل لك/بيحصل لينا جميعا،،،حبيت أحسبه بطريقة مادية بحته تعرفي عملت ايه
قعدت أعد في تكرارك لكلمة (( حين )) وجدتها تكررت 18 مرة - تصوري بقي حجم التغيير ومرارته
،،،،
،،،،،،
أمنية كبيرة - أن نظل أطفال ( بكل ما تحمله الكلمة من معاني ) قلوب بريئة لا ترعف خداع ولا زيف ولا حقد ولا كره الا لأسباب نابعة من جواك لا ترتبط بأحد ولا تلتزم بحدث
بالامس أخاصم احدهم واليوم أحدثه بلا تعقيدات ولا تفكير في أسباب
حياة بسيطة جدا
،،،،
،،،،،
البراءة باتت تنحصر في الاطفال
وتقريبا بدأت العدوي تنقل لهم من الكبار
،،،،،،
لكن علي الاقل نقدر نحتفظ بجزء من الاشياء - نحاول أن تكون ضحكتنا من قلبنا - نسعد أنفسنا والاخرين معنا
عندما ننظر الي وجه طفل نحس (نشعر ) بسعادة وفرحة كبيرة والاكثر من ذلك أننا نشعر براحة كبيرة- وقتها فقط نحس بقيمة البراءة المفقودة في الكبار
،،،،،

موضوعك جميل والاحساس الذي تحمله الكلمات أجمل

تحياتي

micheal said...

يا ريييييت
ليت الطفولة تعود يوما
والله حنرتاح ساعتها من بلاوي كتير
:)
تحياتي

أحمد سعيد بسيوني said...

كانت أيام جميلة

Kiara said...

والله وانا بموووووووووووووووت فيهم

بجد بعشقهم جدا ومعاهم بنسي الدنيا

سعيده اننا اشتركنا في حبهم

تحيااااااااااااتي

dr_samarmar said...

hasona

متشكرة جدا على تعليقك اللى أسعدنى

و انت حطيت ايدك على حتة مهمة جدا
هى ان العدوى بدأت تنتقل للأطفال

بجد و الله... فى أطفال بيفقدو براءتهم بسرعة جدا و فى سن صغير أوى ... فى زمننا دا

مش عارفة ليه !!

بس أعتقد ان دا سببه الاعلام البايظ جدا و المفتووووح و الجرأة فى الأفلام و المسلسلات.. الجرأة المبالغ فيها

تحياتى

dr_samarmar said...

micheal

تفتكر فى حاجات فينا دلوقتى
ممكن تروح مننا بعدين و نندم عليها و نتمنى رجوعها ؟؟

dr_samarmar said...

أحمد سعيد بسيوني

ربنا يجعل كل أيامك جميلة و يسعدك:)

نورت البلوج

dr_samarmar said...

مولان

أنا الأسعد و الله

ربنا يرزقك بالزرية الصالحة يارب و يكونو زى القمر :)

فشكووول said...

يا دكتوره سمرمر .. انت فاكره انك حتفضلى تعدى سنوات عمرك على اصابع يدك .. يا شيخخخخه .. ما كانش حد غلب .. اسألى عمك فشكول

dr_samarmar said...

نورتنى يا عمو فشكول و الله بردك و تعليقك

و أعتقد ان حضرتك تقصد البوست اللى قبل دا صح :)

منا لقيتهم شوية صغيرين كدا قولت أعد اللى أنا فاكراه منهم


لاكن أكيد طبعا هييجى وقت و مش هقدر أعمل دا و لا أتذكر من عشر سنين كنت بفكر ازاى

هى مجرد محاسبة لنفسى حاولت أعملها و نظرة سريعة ع التغيرات اللى مريت بيها

تحياتى العظيمة جدا :)

Love-Guru said...

مشاعر مخيفة ان تصدر من بنت الثامنة عشر. مرحلة الطفولة لها ذكرياتها الجميلة و لكن لكل مرحلة سنية لها بريقها. و المخيف انك تبدئ اجمل سنوات عمرك و لكن لا تشعرين بهذا. عندما تنتهي من سنوات الدراسة و تبدئ حياتك العملية و تستشعرين المسؤلية سوف تدركين كم كانت جميلة سنوات الدراسة فنحي الطفولة جانبا و استمتعي بحياتك الان

dr_samarmar said...

Love-Guru

نورتنى بردك

و الله انا الحمد لله رب العالمين مستمتعة بحياتى

و أعترف انى بعيش أيام جميلة و هتبقى من أحلى الذكريات ان شاء الله

و بحب أمى و أبويا و أخويا و أصدقائى و بتفسح و بلعب كمان :D

بس أنا مش بتكلم ع الذكريات.. أنا برثى النقاء و البراءة و الوضوح اللى مش موجودين فى المراحل العمرية التانية :)

حفيدة عرابى said...

يادكتوره ياعسولة له كده وليه يخطر على بالك فى السن ده الرثاء والكلام الحزين ده الطفولة مرحلة بتعدى ببراءتها وجمالها بس فكرى كده مانا ممكن اكون ناضجة وكبيرة وربنا مايحرمنيش من براءة الطفولة لو فضلنا صادقين على قد مانقدر لو ما زيفناش مشاعرنا لو ما كناش منافقين بنضحك فى وش الناس واحنا مش طايقنهم على فكرة انا مش بمدح فى نفسى والله وعارفة ان اللى بعمله ده ممكن يكون غلط من نواحى كتير بس انا حصلتلى مشاكل كتير لانى مش ببتسم غير فى وش اللى باحبه وبعتبر اى حاجة غير كده نفاق مش معنى كده انى اقاطع الناس بس انا شايفة ان من حق الناس عليا يعرفوا مشاعرى من ناحيتهم يمكن الحال يتغير انا اسفة صدعتك تحياتى ليكى

dr_samarmar said...

لقد خلقنا الله احرارا

أولا شرفنى تواجدك و الله هنا فى المدونة :)

بس أنا عايزة أقولك حاجة .. للأسف أحيانا بنضطر نبتسم فى وجه من لا نحب

كتير أوى بتضطرنا الظروف
انتى لو مش بتعملى دا يبقى بجد بسم الله ما شاء الله عليكى ربنا يكرمك يارب
و تبقى حققتى المعادلة الصعبة و هى انك تكونى كبيرة و ناضجة و ف نفس الوقت واضحة و صادقة :)

بحييكى بجد :)

للأسف أنا مش بقدر أعمل دا

زى المثال اللى وريته لسلمى لو قريتيه
دكتورة عندى فى الجامعة

وادة قريبتى مثلا بس أنا عارفة انها مش كويسة.. بس ماينفعش ماتعاملش معاها دى قريبتى

و هكذا....

ساعات الظروف بتضطرنى أخبى :(

نورتينى بجد و الله :)

shams el7aya said...

تسلم ايدك كلمات جميلة بجد وعجبتنى
بس برضة حتى لو بقيتى طفلة وبالتصرفات دى مش هترتاحى برضة هتلاقى حواليكى مش متراحين مع تصرفاتك دى ولا انتى مرتاحه لنفسك تصورى بقى واحدة كبيرة ولسة فيها تصرفات الاطفال دى تفتكرى ممكن تعمل اية؟
لما مش بتقدر تتضحك فى وش اللى مش بطيقة ودى بجد بتعمل مشاكل كتير مش لية بس ولغيرة كمان وان تثقى فى اى حد متنفعش فى زمانا ده لانك هتثقى هتنجرحى كتير
للاسف الطفولة متنفعش غير للاطفال
لكن لو حاولتى تبقى ببراءه الاطفال مع اللى بتحبيهم وذكية جدا مع اعدائك يبقى انتى كده تقدرى تعيشى
البلوجر بتاعتك جميلة ورقيقة جدا تسلم ايدك عليها

dr_samarmar said...

شموسة

ميرسى أوى على تعليقك و ردك يا جميلة

على فكرة تعليقك خلانى أفكر فيه كتير أوى

بس تعرفى .. أنا صحيح كتير بجامل
لاكن لسة فيا حكاية الثقة دى


بثق فى أى حد و أصدق كلام أى حد بجد

مش عارفة ليه !!!!

مع ان دى فعلا المفروض من شيم الأطفال

و حاجة نفسى أغيرها فيا :)

عندك حق فى كلامك

بس دا لو الكبيرة اللى فيها طفولة دى فى عالم من المنافقين

بس تخيلى كدا لو كلنا فينا براءة الأطفال :)

نورتى

Ahmed Hishmat said...

مش هنقدر نرجع سنين فاتت
وعدت
وراحت
بكل حاجه حلوة
بس نقدر
نفتكر الأيام دي
مع
اللي عايشنها
دلوقتي
.............
تحياتي
مستني تنوريني

*^*AL.7aAzZeEnN*^* said...

السلام عليكم

انا جاي ارد الزياره الي انت زرتهالي

مدونتي نوره والله بمررورك

و اتمني تتكرر الزياره الجميله دي

تحياتي لك بكل تفوق

**sad smile** said...

السلام عليكم

كلمات راقيه و ذهبيه

مدونه مميزه و رائعه

دمتي بكل خير و سلامه

dr_samarmar said...

أحمد حشمت

نورتنى أهلا بيك

و عندك حق.. ليه نرجع بالسنين أصلا

ماحنا عايشين أهو :)

dr_samarmar said...

القــــلـــب المنـــكـــســر

منور

أقعد اشرب حاجة طيب:)

dr_samarmar said...

very sad

جزاكى الله خيرا ع التعليق يا قمر

المدونة مميزة لأنك زرتيها :)