ليلة تمر عاصفة يملؤها الغضب
أشعلت فى صدرى نارا بدون حطب
أصرخ باستغاثة كأننى فوق اللهب
متى تتحركون يا عرب؟
أمس أباح دم أهل غزة اليهود
و قد اعترفو بخطئهم,عذرا فكان المستهدف الجنود
متى كان أمام الروح كلمة ممن لا يفون بالوعود
أين ذهبت نخوتنا؟ أين شرفنا المعهود؟؟
و اليوم أكملو الغارات فى بلدتنا لبنان
النساء ترتجف و صوت المدافع للعنان
و يالهلع أطفالنا,لا يشعرون بذرة أمان
و ها هو مسلم يقتل برصاصة غدر من رجل جبان؟
و نحن ها هنا نحكى و نلعب و ننهل من متع الحياة
و لا لنا جفن يتحرك,و نعلم أنهم حفاة عراة
يا عرب.. أفيقو .. انه عار فوق الجباه
ألن تنصرو اسلامكم؟..أعد نخوتنا يا الله
أعد نخوتنا يا الله
أعد نخوتنا يا الله
33 comments:
لو مكنتيش قولتي يارب
كنت قولتلك في المشمش
ملناش غيره
يااااااااااااااارب
كلمات معبرة عن المرارة التى تسكن داخلنا وعن القسوة التى يعانيها اهل غزة .. لكى الله يا غزة "ان مع العسر يسرا"
فعلا احنا بنقول يارب على كل حاجه لان القسوه كلنا شوفنها وكلنا حسين بيهم وديما بنذكر ربنا انو يعين كل البشروكل البلاد البوست كتير حلو ياريت تقبلى مرورى الاةل فى المدونه
تحياتى حياه بلا عنوان
حسبى الله ونعم الوكيل فى كل ظالم
ربنا ينتقم منهم
تسلم ايدك على الكلمات الجميلة واللى بتعبر عن حزننا جميعا لما يحدث حولنا ولكن للاسف لم يكن لها غير الله
حسبنا الله ونعم الوكيل اللهم انصر الاسلام واعز المسلمين لا اله الا انت سبحانك انا كنا من الظالمين
ربنا ينصرهم يا سمرمر
مش عشان هما عرب أو مسلمين , عشان هما بشر و اللى بيحصل ده ضد الانسانية
تحياتى ليكى
هابى نيو يير
اشكرك أولا على ماكتبت عما يحدث فى غزة وقد جعلتنا جميعا نتشارك معك لغة الشعور لما يحدث مع أهلنا وإخواننا فى غزة
وأشكرك ثانياً على زيارتك الكريمة لمدونتى المتواضعة وآسف على تأخرى فى الرد عليك وذلك بسبب مقاطعتى لمدونتى منذ أحداث غزة وها قد عدت بعد أن شعرت أن النصر قادم لا محالة قال تعالى :" ولا تهنوا ولا تحزنوا وأنتم الأعلون إن كنتم مؤمنين" فلنا الله
لا بد لدولة الظلم أن تنتهى عاجلاً ام آجلاً
تحياتى
د إبراهيم
ميرسى ع الكومنت يا محمد
فعلا مالناش غير ربنا
مسدس
ان مع العسر يسرا
طبعا
حتى القتيل الواحد منهم بيفرح قلبى و يشفى جزء من غليلى
يارب
حياة بلا عنوان
البوست منور وا لله
و هنفضل نقول يارب لحد ما يتدمرو باذن الله
شموسة
الله يسلمك و يكرمك يارب
احنا كلنا فعلا مالينا الحزن
و نفسنا نعمل حاجة
شموسة
الله يسلمك و يكرمك يارب
احنا كلنا فعلا مالينا الحزن
و نفسنا نعمل حاجة
شموسة
الله يسلمك و يكرمك يارب
احنا كلنا فعلا مالينا الحزن
و نفسنا نعمل حاجة
طوبة ذهب و طوبة فضة
أمين يارب
سارة نجاتى
متشكرة على زيارتك و ردك يا قمر
فعلا الحكاية مش حكاية دين أو وطن بس
انا مش متصورة بجد ازاااااااااى بنى أدم يقتل طفل :$
لكل الناس
متشكرة جدا لزيارتك
و الحل مش اننا نقاطع مدوناتنا
الحل الدعاء و المقاطعة و التبرع
دكتور ابراهيم
هى ان شاء الله هتنتهى
بس السؤال بقا
ياترى نستاهل انها تنتهى فى زمننا و عصرنا احنا؟؟
ربنا معاهم ويقويهم في مواجهة المجازر الدائرة هتاك
تحياتي
بجد كلمات في منتهى الروعه
احييكي عليها
الاسلوب اكتر من رائع
والاحساس بينط من الكلام
تحياتي
السلام عليكم
جميلة تلك الكلمات
ولكن خبرينى
أليس الأولى أن نبدأ نحن بالبحث عن نخوتنا لا أن نطلبها
أؤمن أن الله بيده كل شئ
ولكن لا يغير الله ما بقوم حتى يغيروا ما بأنفسهم
لاأقصد الأحباط ولكن
علينا أن نفعل الكثير الى جانب هذه الكلمات النبيلة
أقبلى مرورى
تحيتى وتقديرى
micheal
شاكرة لردك و مرورك جدا :)
منور البوست
و طبعا الحل فى دعوة زى اللى انت دعيتها دى
مذكرات مشاغب
متشكرة جدا جدا ع الرد اللى أسعدنى كتير
و الاحساس موصلش لقلب أى حد قراه الا لو كان حاسه فعلا و عايش القضية
ياما الكلام بيتقال و يعدى علينا و مانحسش بولا كلمة فيه
أشكرك ع الكومنت
المحارب المتيم
فقط عندى سؤال أسئله
ياترى ايه فى ايد حد من الشعب يعمله؟؟
نعمل زى الشعب الأمريكى و نسلك سلوكه و نقف قدام القصر الجمهورى و نقول مصر بقا شكلها وحش قدام العالم؟؟!!
و لا نمشى فى مظاهرات و نكسر و ندغدغ و ياخدو نصنا فى المعتقلات وبلا أدنى فائدة
مقاطعة و قاطعنا تبرع و بنتبرع.. بادينا ايه غير اللجوء لربنا علشان يخلى دمنا و شرفناو الأهم ديننا أغلى عندنا من حياتنا و بيتنا و دراستنا و ولادنا
سمرمر
أولا كلماتك فى الصمميم
لكن المشكلة إننا فقدنا النخوة
مشكلتنا إننا فقدنا ذاتنا و هدفنا
و أعتقد فى زيارتك ليا فهمتى قصدى
صح؟؟؟
بجد سعيدة جدا بزيارتك
و يارب تتكرر دايما على طول
خالص التحية يا قمر
Soul.o0o.Whisper
أه و الله فهمت قصدك أوى أوى و دخل دماغى بشكل غريب و عمالة أقرا البوست لكل اللى أعرفهم و بحبهم :D
منورانى
الجميله دكتوره سمرمر .. ازيك يا بنتى
انا مش عارف ايه حكاية بتوع الصيدله معايا انا عندى استعمار من بتوع الصيدله .. ابنى سيدلى ومتجوز صيدليه وبنتى دكتوره ومتجوزه صيدلى .. والبت الحلوه اشقيه سووول ويزبر برضه صيدليه وعماله تناكف فيا فى الرايحه والجايه .. وكمان لاقيت سمرمر بنتى حبيبتى جايه برضه .. استعمار صيدلى .. الاستقلال التام او الموت الزؤام
العزيزه سمرمر
هونى على نفسك يا بنيتى فلا تحملى نفسك فوق طاقتها فانت ما زلت غضه لا تتحملين كل هذا الغضب الذى بداخلك فهم فى غزه لا يحملون ما تحمليه من حزن وشجن.. والعرب سوف يتحركون من فنادق الخمس نجوم ومدن الخمس نجوم وسيرسلوا الى غزه بضع وجبات سريعه تكا واى وايضا الى جنوب لبنان .. هو فيه يا بنتى حاجه اسمها عرب .. العرب ذهبوا واصبحوا خارج التاريخ .. يا بنيتى لا تحملى نفسك فوق طاقتها .. اول زياره لك عندى واشكرك وما تنسيش عمك فشكول وخليك معاه على طول
تحياتى يا دكتوره .. ما عندكيش بقى حبتين للصداع
فى البداية انا اعتذر عن عدم المشاركة معكم لظروف صعبة
كلمه بسيطة جدا اقولها تعبر عن رأى المتواضع الذى لا يستحق ان يكتب فى مدونتك الجميلة
ولكننى من باب سعه صدرك ورحابه فكرك ورجاحه عقلك اتمنى ان يلقى له صدى
ما هو السبب فى ذلك
هل نحن (اعنى الشعوب العربية والاسلامية )ام الحكام والتخاذل الرهيب والصمت الصارخ والسكوت المشين
ام ان هناك دول تتخكم بكل شئ ولا يستطيع احد ان يفعل اى شئ الا بعد اذنها وتحت اوامر منها
ام ان السبب هو بعدنا عن الدين وعن الله وعن اتباع منهج محمد صلى الله علية وسلم
اسف على الاطاله
ولكن هناك نار محترقة بداخلنا دموع تسيل من العين ومن القلب مد يقطر وينزف
تقبلى مرورى اتمنى لكِ التوفيق
السلام عليكم
موضوع جميل اووووي
كلمات ذهبيه و معبره على اشياء كثيرة
بوستت مميز ولطيف
احييك
تحياتي
القلب المنكسر
دمتي بكل خير و سلام
واتمني زيارتك الي مدونتي المتواضعة
و اخر حاجه بقي سوري مش فاكر ههههههههههههه
fashkool
يا عمو حضرتك وا لله ماتتصورش زيارتك للبلوج بتسعدنى ازاى و بتخلينى فخورة و رافعة راسى كدا :D
بجد و الله حضرتك زيارتك ليها هيبة كدا و طعم تانى
أنا أسفة انى مش عارفة أجيد التواصل علشان الامتحانات و الله و المذاكرة و كدا دعوات حضرتك بقا ماشاء الله العيلة كلها صيادلة و حضرتك أكيد عارف صيدلة تقيلة ازاى :(
بس ان شاء الله لما أخلص هتلاقينى نطيت عند حضرتك فى البلوج كل شوية :)
شكل كلية الصيدلة مستقصدة حضرتك فعلا بتخرج الطلبة مخصوص علشانك :)
بالنسبة للموضوع بقا..فأنا شايفة ان احساسى دا و لا حاجة من احساس أهل غزة نفسهم..وبعدين أنا عملت ايه يعنى ..مجرد انى حاسة بالمرارة و الحزن..فين الفعل الايجابى المثمر بقا....ربنا ان شاء الله هيعيد العرب و يعيد أمجادهم باذن الله
محمود السيد
أهلا بيك يا محمود نورت البلوج و أتمنى ان تكون الظروف الصعبة دى انتهت الحمد لله على خير
السبب انت قولته بعدنا عن الدين و تخاذلنا و اهتمامنا للأسف بأمور تافهة و هايفة و اهمالنا لقضايانا الأصلية
ربنا يهدينا
القلب المنكسر
يا تيتو نورتنى يا جميل :)
ميرسى على الزيارة و طبعا هردهالك كتيييييييير ان شاء الله
بس أما أخلص امتحانات بقا :)
يارب لا تمتبنا من المتخاذلين
لو مكنش زمن تحرير فلسطين في حياتنا حيكون ردنا ايه لربنا؟؟
Post a Comment