Saturday 21 February 2009

أية



أنا صحيح قولت ان المدونة هتنشر بوست كل يوم ثلاثاء.. بس انهاردة يوم مش عادى.. و كان لازم أقدم معاد النشر أسبوعي

الليلة عيد يا رجالة

عيد صداقتى أنا و أية

22 فبراير






حبيبة قلبى و صديقة عمرى و توأم روحى




مهما أتكلم مستحيل أوصف علاقتى أنا و أية عاملة ازاى




زى السما و النجوم




زى البحر و السمك




بحبها جدا جدا




و بقولها... كل سنة و انتى طيبة يا أحلى أية ... يا معنى الصداقة فى قلبى ... يا مرايتى اللى بكون أنا قدامها و أبان بكل أخطائى و مازعلش لما تنصحنى و تلومنى




يا ..... بلاش أقول عمرى... ينفع نص عمرى؟؟!!!!؟




بكرة يوم 22 فبراير 2009 أكون أنا و أية تمينا 9 سنين صحاب




و احنا عندنا 18 سنة




يعنى نص عمرنا قضيناه مع بعض.. و بما ان النص التانى هو مرحلة الطفولة أو نقدر نقول جزء كبير منها




فأقدر أقول بقلب جامد و بالفم المليان.. انتى يا أية عمرى كله ... بجد مش كلام أفلام :)




كل سنة و احنا طيبين يا أية




من تسع سنين كنا بالفعل أصدقاء ملناش غير بعض




كل الأيام ما بتمر و تعدى كل ما ببص للناس حواليا و اللى فاكرين نفسهم صحاب و أبقى نفسى أقولهم.. لأ.. غلط.. دى مش الصداقة .. تعالو شوفونى أنا و أية و اتعلمو مننا


أية ... احنا صحاب بجد يا أية


فاكرة زمان لما زعقتلك انك مش بتصلى؟؟ و لما قولتلك الصلاة عماد الدين :)فاكرة؟


كنا تقريبا فى رابعة ابتدائى :)


طيب فاكرة لما انتى خليتينى ألبس حجاب طويل؟ فاكرة يا أية ؟


فاكرة لما علمتينى ماأعليش صوتى قدام أمى... فاكرة لما قولتلك لازم نبطل ماكياج


صحاب بجد يا أية.. أصدقاء.. رفعنا بعض.. حبينا بعض من قلوبنا


من قوة احساسنا ببعض خلينا أهلى و أهلك أصدقاء ..... انتى صديقة عمرى يا أية :)


كل سنة و انتى طيبة يا حبيبتى


فى يوم كان عندى 11 سنة ... حدااااشر سنة ... و قولتلك


حبيبتى و روحى أية


يا أول بداية و أخر نهاية


حبى ليكى مايتحكيش فى حكاية


قربتينى من الحب و الهواية


بعدتينى عن الشر و الغواية


أية و سمر.. يا بسمة سهر


يا نسمة عطر


ياللى شايفاكى أحلى من القمر


ياللى ف عقلى معنى الحب


يا جوة الننى و العين و القلب


أية ياللى للخير و الحب.. درب


:) :) :)


طيب فاكرة أقوى عاصفة مرينا بيها؟؟ فاكرة الحاجة اللى تصورو انها هتهدم صداقتنا و مقدرتش لثانية تعمل دا ؟؟


فاكرة يا أية ؟ كانت من حوالى سنة تقريبا .. فاكرة؟


لما قولتيلى


أخطأت فى حبك بعض الخطأ


و ظمأت فى بعدك كل الظمأ


فاليكى منى هذا النبأ


حبيبتى لم يعد وقت للعتاب


حبيبتى ان كان لكى فى قلبى حزن.. فقد ذاب


أذكرك و أنا فى غربتى


و أرى صورتك فى صفحات الكتاب


أحبك و أعتذر عما سببته لكى من عذاب


أذكرك فأنتى لى أغلى الأحباب


صديقتى,أعتذر عما فات


فهو لى قد مات


و أتمنى أن يكون لكى محى حتى من الذكريات


اليكى تلك الورقة فهى بقلم ضعيف


و لكنها بقلب حانى.. و ظل خفيف


أتمنى أن يعود قلبك يهوانى


و ان أبى فهو بذلك يكون أنهانى


سامحينى.. فقد أخطأت.. و ندمت عما فعلت


و اليكى اعتذرت


23-12-2007


و فاكرة رديت و قولتلك ايه يا صديقتى؟؟


قولتلك


حبيبتى .. خطأك هو أن اعتدتى ألا تأثمى


ظمأك كوانى و أزاد حبك فى دمى


نبأى أنا أن عتابى ليس لتندمى


هذا عتاب الصديق المحب المغرم


ذكرك لى هو أغلى اعتذار عن حيرتى


فعذابى الحقيقى كان حزنك من أجلى يا مهجتى


أنا التى أعتذر.. فكانت عمياء غيرتى


أردت أن أكون دنيتك.؟. لأنك دنيتى


لم تعتذرى؟ أنا لم أحزن يوما منكى


أنا فقط طلبت أن أكن نور عينيك


و أردت أن تتصرفى و يداى تعانق يديكى


صدمتى ليست فيكى.. لكنها جاءت منكى


قلمك الضعيف سلاحى ضد كأبتى و دموعى


قلبك الحانى ينبض من بين ضلوعى


و ظلك الخفيف يضىء ظلام دنيتى بالشموع


و غربتك بعيدا عن عينى


تملأ روحى بالدموع


أتتمنى أن يعود قلبى يهواكى؟


و تخافى ان أبى و أنهاكى؟


نعم سيأبى .. لأنه لم يرحل يوما عن دنياكى


ماعذرك الأن,و قد ظننتى أنه سينساكى؟


25-12-2007


و مرت العاصفة بهدوء يا مراية قلبى :)


أنا دلوقتى يا أية مش لاقية حاجة أقولهالك غير شكرا


شكرا ع الصداقة الحقيقية اللى ربنا جعلك سبب فى انى ألاقيها


شكرا ع الذكريات الجميلة اللى عشناها سوا


و الحمد لله انى متأكدة ان ولادى هيكون ليهم خالة ان شاء الله


صحيح مش خالتهم وراثيا :)


لكن هتكون أحسن من الخالة معنويا ان شاء الله و أنا متأكدة من دا :)


قالولنا لما تدخلو تخصصات مختلفة ف ثانوى هتبعدو


أنا كنت علمى علوم و انتى أدبى و فضلنا توائم


قالو الكلية بتشغل.. كل واحدة فينا فى كلية مختلفة تماما و لسة توائم


قالو لو واحدة اتخطبت هتبعد عن التانية


و اتخطبتى يا حبى و لسة و هنفضل ان شاء الله توائم


عقبالى يارب :D


كل سنة و احنا طيبين يا أية


و عقبال مانعيش تسع تسع سنين كمان كدا سوا :)


و ربنا يبعد عننا العين يارب :$ و يخليكى ليا :)


أسفة لو البوست طول منى حبتين بس دا لأنى بكتب لأية مش لأى حد :$

46 comments:

فشكووول said...

اول تعليق يا د.سمرمر
ربنا يبارك لك فى ايه ويبارك لآيه فيك
الصداقه احلى شيئ فى الوجود
خصوصا لو كان هذا الصديق وفى ومخلص
دامت صداقتكم ودمتم لبعض
تحياتى يا سمرمر يا عسل

Kiara said...

كووووووووووووول سنه وانتم طيبييييييييييين

وعيد سعييييد

ريمان said...

سيدى يا سييييييييدى

كل ده حب


لا لا

حاسبى لاتتحسدوا بقى

ربنا يحميكم يا رب ويخليكم لبعض

وما يحرمكم من بعض

ويا رب تدخلوا الجنه كمده وانتم ماسكين ايدكم فى ايد بعض

تحياتى ليكى يا قمر

ريمان said...

وتحياتى كمان لايه

لكل الناس said...

السلام عليكم ورحمة الله

بجد يا د. سمر حاجة جميلة جدا
وأبيات معبرة وأعتقد أنها صادقة جدا
وإعلان عن الحب فى الله وهى سنة تركها كثير من الناس

وأنصحك أن تضعى بجانب العنوان كلمة ( إنى أحبك فى الله) كما أننى أشكرك أنك ذكرتنى بصديق عمرى عبد الرحمن وهو مثل آية عندك وصديقى أحمد لأنه كذلك وجزاك الله خيرا على هذا البوست الجميل
أستأذنك لأتصل بهم وأتحدث معهم فقد اشتقت إليهم

واحد من الناس said...

جميل أن تجدي صديقا هكذا

بارك الله لكما صداقتكما

وأدام الود بينكما طوال العمر

لكما تحياتي واحترامي

promise is promise said...

سلام عليكم

كل سنه وانتى طيبه ياايه انتى وسمر
وادم الله محبيتكم وجمعكم فى جناته وظللكم بظله يوم لاظل الا ظل لانكم اجتمعتم على محبه فى الله ولله

لكم دعواتى وتحياتى
والسلام عليكم

مسدس صغير said...

يا سلاام ايه الحب ده بجد الواحد نفسه يصاحب واحد ويكتب عنه نص الكلام ده "ده مش حسد ده أر" بجد حاجه جميلة حتى ردودكو على بعض فى منتهى منتهى الروعة.
اتمنى ان تعيشا سويا مدى الحياة والا تفترقا ابدا ابدا.. وربنا يرزقك بابن الحلال وتتخطبى زيها أو ممكن هيه تقنع خطيبها يخطبك وتتجوزوه انتو الاتنين عشان تبقو فى بيت واحد..هههههههههه
تحيتى ومودتى

دعاء العطار said...

انا سعيده ان اول زياره ليا لمدونتك

كانت فى المناسبه السعيده دى

ربنا يخليكوا لبعض داااااااايما يارب

وع فكره انا حسيت كل كلمه فيها

لان انا كمان ليا اصدقاء بحبهم اوى

وبقول دايما ان احلى ما فى حياتى اصحابى

لدرجة ان فعلا الاهل بقوا اصدقاء من صداقتنا

وعجبنى اوى المعنى الحقيقى للصداقه

الموجود فى البوست انكم بترفعوا بعض وبتنصحوا بعض
"صديقك من صدقك النصيحه

يارب تفضلى انت وايه كده داااااايما

واصحاب طول العمر

Lady E said...

ربنا ميحرمكوش من بعض

الصداقة دي احسن حاجة في الحياة

Sweet Violet said...

بجد حلوة الصداقه اللى بينكم .. دايما يارب كده على الحب و الود مجتمعين

و كل سنه و انتم طيبين

(:

نفرتارى said...

ربنا يخليكم لبعض .. ويبعد عنكم كل شر .. ويديم عليكم هذه الصداقة الجميلة .


دمتم بألف خير وسعادة

نفرتارى

gogo!sf said...

يا ستى كل سنة وانتم طيبين
وعقبال مليون سنة وانتم مع بعض
مش بس تسع سنين كمان

بس كفاية كدة لاتحسدو نفسكم

ربنا يدم الحب والمودة بينكم امين يا رب

elsha3er said...

ربنا يخليكم لبعض وما يحرمكوش من بعض ابدا


جميلة الصداقة اللى زى الاخوة دى


تحياتى


احمد الشاعر

حياتي كلها لله said...

السلام عليكم

والله انا وحشة خاااااااااااالص أنا عارفة بقالي كتير مردتش عندك بس و الله قريت كل بوستاتك بس من علي الموبايل علشان كده كنت بكسل أرد ب سو الله متابعاك عي طول و أنا أقدر


كل سنة و أنتم طيبين
طبعا أنا عارفة علاقتك بآية أد آه ده درتي بس يارب لما نوصل صحاب 9 سنين كده زي آية تكوني بتحبيني الحب ده كله يارب

جميل قوي البوست اللي فات بس فيروز مش مقاطعة
ده مفيش غيرها هي و شويبيس و سبورت و مكة كولا بس هما اللي مش مقاطعة أساسا

سلام يا قمر سلاموكا

صدى الصمت - عاشقة الورد - said...

ياااه يا سمر أنا كنت قربت أصدق إن معنى الصداقة الحقيقى إتمحى من الوجود لكن دلوقت وبعد كل الكلام الرائع والمشاعر الصادقة ال بتجمعكم ببعض
إتأكدت إن الصداقة الحقيقية لسة بخير ولها وجود قوى فى الحياة
أشكرك على إنك علمتينى حاجة مهمة كانت غايبة عنى
ربنا يديم صداقتكم ومحبتكم إلى الأبد
تحياتى

بنوتة said...

السلام عليكمما شاء الله عليكم
ربنا يخليكم لبعض ويحفظكم
الصداقة فعلا شئ مهم جدا
وعشان كده النبي قال المرء على دين خليله فلينظر أحدكم من يخالل
وانتم ما شاء الله متجمعين على الخير
ربنا يجعل صداقتكم في ميزان حسناتكم وسبب دخولكم الجنة
تحياتى ليكى

Soul.o0o.Whisper said...

ياااااااااااااااااه يا سموووووووووورة


بجد بجد مافيش أحلى من الصحوبية فى العالم دا

أحلى احساس
و بجد من خوفنا على بعض بكون أِشداء على بعض فى الحق
عشان عاوزين نعلى ببعض


ربنا يكرمك بصاحبتك يااااااااااارب
و مش يفرقكوا ابدا دنيا و آخرة






خالص ودى لكما :)

dr_samarmar said...

السلام عليكم
بداية بعتذر جداااا جداااااااا ع التأخير و الله مشغولة فى الدراسةى أوى و كمان الكومبيوتر كان بايظ

أنا مايمنعنيش عنكم غير الشديد القوى :)

dr_samarmar said...

عمو صلااااااااح

شكرا يا عمو ع الدعوة الحلوة دى ربنا يخليك ياااارب :)

dr_samarmar said...

كيارا
و انتى طيبة يا جمييييييل :)

dr_samarmar said...

ريماان

اللهم أمين ياااااااااارب

شكرا يا ايمان ع الدعوة الحلوة و التعليق الجميل :)

dr_samarmar said...

لكل الناس

أرجو انك تكون اتصلت بعبد الرحمن و أحمد و أرجو انى أكون أخدت ثواب على كدا كمان :D

طبعا أهم حاجة فى الصداقة انها تكون مبنية على الحب فى الله

dr_samarmar said...

واحد من الناس

أنا متشكرة جدا جدا على تعليق حضرتك و الدعوة الجميلة

ربنا يتقبل يارب و لك بالمثل

dr_samarmar said...

بروميس

و انتى طيبة يا جميل ميرسى ع الرد اللى نور البلوج وا لله :)

marmar said...

ربنا يباركلكم في بعض وفي حبكم في الله
ويديم صداقتكم عليكم للابد يارب
ويارب تفضل صدقتكم لحد اخر يوم بجد
وكل سنه وانتو طيبين وحبايب وصحاب طول العمر


تحياتي

dr_samarmar said...

و انا بعلق النت فصل منى و الله :(

أكمل بقا ردوووود :)

dr_samarmar said...

مسدس

ههههههههههههه
شكلك عايز توقع بيننا :D

بس بردو عقبالى عقبالى :D

ميرسى ع الكومنت الجميل :)

dr_samarmar said...

Lady E

أللهم أمين و يخليكى يارب

dr_samarmar said...

Sweet Violet

انتى طيبة يا جميل :)

dr_samarmar said...

نفرتارى

ميرسى يا قمر ع الدعوة الحلوة و الكومنت

و ربنا يكرمك يااارب و يباركلك فى كوكب

مبادىء كوكبك عجبانى أوى :)

dr_samarmar said...

gogo!sf

ميرسى يا جميييل
منورانى :)

dr_samarmar said...

انت تسال والكمبيوتر يجيب

ميرسى ع الدعوة جدا
انا ان شاء الله هدخل أشوف اللينكات دى لأنى بصراحة مافهمتش الموضوع أوى :$

dr_samarmar said...

الشاعر

تصدق لو قولتلك انها أكبر من الأخوة كمااان :)

الحمد لله :)

dr_samarmar said...

سلووووم
كويس انك عارف5ة انك وحشة :D

لا بس انتى كفرتى عن غلطتك و كلمتينى الحمد لله :)

ربنا يخليكى ليا :)

dr_samarmar said...

صدى الصمت

لا الحمد لله ماتمحاش
موجود :)

بس للأسف بقال عملة نادرة

ربنا يوفقك بأصحاااب كتير يكون أصدقاء بجد مش أى كلام ياارب :)

dr_samarmar said...

بنوتة

اللهم أمين يارب ربنا يسمع منك :)

dr_samarmar said...

سووووول

وصلتلها سلامك وودك :)

ربنا يكرمك و يوفقك يااارب

dr_samarmar said...

مرمر

اللهم أمين و لكى بالمثل يا جمييل يارب :)

الطريق إلى الجنة said...

السلام عليكم ورحمة الله

هذه قصة من قصص الحب التى تجمع الناس فى جنة الدنيا قبل جنة الآخرة فيالها من مصادفة جميلة أو بمعنى أصح ياله من قدر جميل

فالناس عندها الجنة فى الدنيا وتبعد عنها لتقول لله عز وجل ولسان حالها الكبر " ولكننا نريد أن ننفذ ما نريد"فتكون العاقبة على الناس بالشقاء فى الدنيا والآخرة

الجنة فى الدنيا كما فى الآخرة مع الفارق ولكننا نحب أن نقف ونشاهد لا أن ندخل ونمارس

dr_samarmar said...

الطريق الى الجنة

بسم الله ماشاء الله رد حضرتك جمييييل جدا جدا

ربنا ينولنا كلنا سعادة الدارين:)

شكرا ع الرد و الزيارة اللى بجد أسعدونى بشدة :)

elsha3er said...

اتأخرتى علينا طمنينا

تحياتى

احمد الشاعر

Unknown said...

ربنا يقربكم لبعض اكتر واكتر
جميل اوى ان احنا نكتب على صداقتنا فى ابواب التدوين
بجد هايل
تقبلى مرورى

محمد سمير said...

ربنا يوفقوا يا رب يا سمر يا اختى يا حبيبتى و الله اختى

انا عارف مدى العلاقة الى بينكوم و يا رب يخليكو لبعض

باى يا سمورة بقى دلوقتى

حياتي كلها لله said...

السلام عليكم
النهاردة الثلاثاء فين بقي البوست الجديد أنا داخلة مخصوص أقراه إحنا حنرجع في كلامنا من أولها و لا أيه

يا له بسرعة نزليه أحسنلك

مش تحياتي
و سلمي كمان مش سلاموكا

Kiara said...

هتغيبي لامتي هتوحشينىىىىىىىىىىىى اوي