Tuesday 5 May 2009

لسة ماسكاك يا قلم.. هفضل أكتبك يا فكرة.. يا ترى بتتحقق يا حلم؟

أيون أيون بالظبط... هو كدا بالظبط... بالمللى



عيد ميلاد البلوج :)



كدا عدت سنة ع المدونة و على علاقتى بالتدوين

عدت سنة على حاجة جميلة ف حياتى مقدرش أنكر جمالها

بجد انا بموت فى التدوين و المدونة و انكنت بنشغل عنهم كتير فى دراستى



بس خلاص هانت

الصيف قرب أهو

ان شاء الله لو كان ليا عمر و ماكنش وباء أنفلونزا الخنازير بينتقل عبر النت كمان هبقى ع المدونات بشارك كل يوم



الموضوع بدأ من سنة لما كنت بتفرج على مدونة صمت البحر.. و ابتديت أغير و ايدى نفسها تكتب.. قمت بقا ايه.. دخلت على انشاء مدونة الكترونية

و كتبت لا مؤاخذة :D



فى الاول كان العدد اللى بدخل مدوناتهم و بيدخلو مدونتى قليل جدا

و بعدين بدأت أتوسع بقا و أدخل مدونات كتير

منها اللى عجبنى و منها اللى مشدنيش

لكن الحمد لله اللى عجبونى أكتر بكتييييير



يا سلام بقا على مدونة أستاذنا فشكول و على المعلومات التاريخية و الخبرة و خفة الدم اللى ممكن تشوفها

و لا مدونة سووول الجميلة ... بحس ان كلامها بيلمس روحى بجد .. و كأن صوت روحها بيكلم روحنا مش عقولنا :)

و لا مدونة مسدس صغير بقا... يا خبر يا خبر يا خبر... كمية سخرية ضاحكة على كلام زى الرصاص على تخبيط سياسى .. كوكتيل محصلش :)

و مدونة مرمر الجميلة
life is still smiling on u..
و أشعارها الجميلة اللى ما زالت بتفكرنى بنزار قبانى :)

وورد شان سمايلى روز.. و مدونتها الرقيقة زيها

انا مهما دورت ف دماغى مش هخلص عدد المدونات اللى بتشدنى جدا و بحب أقراها جدا

أنا أسفة لو نسيت اسم
بس بجد عالم التدوين أصبح عالمى المحبب اللى بهرب فيه من عالمى الحقيقة
:)

و بما ان بقا البوست كله ع المدونة
فكالعادة هعتذر

خلاااص الامتحانات ع الأبواب و مضطرة أستأذنكم لحد يوم 15-6 ان شاء الله أكون اتحررت :)

10 comments:

marmar said...

نحجز اول تعليق ولا ايه النظام

marmar said...

كل سنه ومدونتك بألف مليون خير يا حبيبتي السكووووره ويارب تبقى ميه سنه ونفضل صحاب على طول
ولو انا بفكرك بنزار فأنتي بتفكريني بالانسانه الجميله الرقيقه الطموحه
ربنا يحميكي يا حبيبتي
طمنيني عليكي وعلى المذاكره والدراسه
خلي بالك من نفسك ومش تلعبي في الكهربا كتير ههههههههههههههههه

yoyo said...

صباحك سكر يا سمسم

كل سنة وانت طيبة
كل سنة وانت بالف خير يارب
كل سنة ومدونتك منورة بين كل المدونات يارب

التدوين أصبح جزء أساسى من حياتنا
ربنا مش يحرمنا من وجودك ابدا

دمتى بالف خير
تحياتى
يويو

مسدس صغير said...

ياااااااااااه وبرغم معترك الحياة وتغاير الاحوال وتباين الافكار.
ايه ده
اشطبى على الكلام اللى فوق ده
سعيد جدا جدا بذكرك اسم مدونتى فى المجموعة اللى بتعجبك.
وكل سنة ومدونتك طيبة وبخير وتشوفى عيالها وعيال عيالها وانتى اللى تجوزيهم.
اشكرك نورتى المدونة

ابو صهيب ( الجمعاوي الاصيل)سابقاً said...

عام جديد على عملك شهيد فاغتنميه فانه لايعود الى يوم القيامة

نتمنى من الله ان يكون الهدف من التدوين قد تحقق

صدى الصمت - عاشقة الورد - said...

كل سنة وانتى طيبة ياأحلى فكرة ويارب دايماً تمتعينا بأفكارك وبوستاتك الرائعة
تحياتى

Soul.o0o.Whisper said...

سمورتى السكرة

والله انتى اللى جميلة يا سمورة
و بجد أنا صحيح بأتأخر فى زيارة مدونتك بس حقيقى وقتى حاليا مزنوق خالص

معلش سامحينى
و حقيقى شرف ليا إنك تذكرينى فى المدونات اللى بتحبيهم
أنتى كمان مدونتك رقيقة

يااااااااارب عقبال كل سنة و أنتى معانا
و من نجاح لنجاح يا جميل
و شدى حيلك فى المذاكرة و الامتحانات


خالص ودى و حبى يا جميلة

Kiara said...

كووووووووووول سنة والمدونه بخييييير

عيد ميلاد سعيد لمدونتنا القمر اللي فيها اقرب كلام للقلب

لاسع افندى said...

عقبال 100سنه تدوين

micheal said...

كل سنة وهي بخير
:)
عاوزين بوستات أكتر بقي
:)
تحياتي